ದಿನನಿತ್ಯದ ಕಾನೂನು ಸವಾಲುಗಳನ್ನು ಪರಿಹರಿಸುವುದು

ಭಾರತವು ವಿಶಾಲವಾದ ಕಾನೂನು ವ್ಯವಸ್ಥೆಯನ್ನು ಹೊಂದಿದೆ, ಆದರೆ ಹೆಚ್ಚಿನ ನಾಗರಿಕರು ಕಾನೂನುಗಳ ಅಡಿಯಲ್ಲಿ ತಮ್ಮ ಹಕ್ಕುಗಳ ಬಗ್ಗೆ ತಿಳಿದಿರುವುದಿಲ್ಲ ಅಥವಾ ಅವುಗಳನ್ನು ಹೇಗೆ ಜಾರಿಗೊಳಿಸಬೇಕು ಎಂಬುದನ್ನು ಅರ್ಥಮಾಡಿಕೊಳ್ಳಲು ಸಾಧ್ಯವಾಗುವುದಿಲ್ಲ. ಕಾನೂನು ಸಹಾಯದ ಹೆಚ್ಚಿನ ಅಗತ್ಯವಿರುವವರು ಕೈಗೆಟಕುವಂತಹ, ವಿಶ್ವಾಸಾರ್ಹ ಕಾನೂನು ಮಾಹಿತಿಗೆ ಹಲವಾರು ಅಡೆತಡೆಗಳನ್ನು ಎದುರಿಸುತ್ತಾರೆ. ಇದು ಕಾಗದದ ಮೇಲಿನ ಕಾನೂನು ಮತ್ತು ಅದು ನಿಜವಾಗಿ ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದರ ನಡುವೆ ವಿಶಾಲವಾದ ಅಂತರಕ್ಕೆ ಕಾರಣವಾಗುತ್ತದೆ. ಕೆಲವು ಅಡೆತಡೆಗಳು:

1. ಅರಿವಿನ ಕೊರತೆ: ಅವರ ಸಮಸ್ಯೆ ಕಾನೂನು ಸಮಸ್ಯೆಯಾಗಿದೆ ಎಂದು ಮತ್ತು ಅವರ ಪರಿಸ್ಥಿತಿಗೆ ಕಾನೂನು ಹೇಗೆ ಅನ್ವಯಿಸುತ್ತದೆ ಎಂಬುದರ ಕುರಿತು
2. ಮಾಹಿತಿಯ ಕೊರತೆ: ವಕೀಲರನ್ನು ಸಂಪರ್ಕಿಸುವುದನ್ನು ಹೊರತುಪಡಿಸಿ ಕಾನೂನು ಮಾಹಿತಿಯನ್ನು ಎಲ್ಲಿ ಪಡೆಯಬಹುದು ಎಂಬುದರ ಕುರಿತು ಹೆಚ್ಚಿನ ನಾಗರಿಕರಿಗೆ ತಿಳಿದಿರುವುದಿಲ್ಲ. ಕಾನೂನು ಮಾಹಿತಿಯು ಲಭ್ಯವಿದ್ದಾಗ, ಅದು ಹೆಚ್ಚಾಗಿ ಇಂಗ್ಲಿಷ್‌ನಲ್ಲಿದೆ ಮತ್ತು ಸಂಕೀರ್ಣವಾಗಿದೆ. 30 ಕೋಟಿಗೂ ಹೆಚ್ಚು ಭಾರತೀಯರು ಸಾಕ್ಷರರಲ್ಲ ಮತ್ತು ಜನಸಂಖ್ಯೆಯ 10.6% ಮಾತ್ರ ಇಂಗ್ಲಿಷ್ ಮಾತನಾಡಬಲ್ಲರು.
3. ಸಂಕೀರ್ಣ ಪ್ರಕ್ರಿಯೆ: ಪ್ರತಿಯೊಂದು ಕಾನೂನು ಸಮಸ್ಯೆಯು ಕೇಂದ್ರ ಶಾಸನಗಳು, ರಾಜ್ಯ ಕಾನೂನುಗಳು, ಅಧಿಸೂಚನೆಗಳು ಮತ್ತು ಬಹು ನ್ಯಾಯ ವಿತರಣಾ ವೇದಿಕೆಗಳ ಸಂಕೀರ್ಣ ಚೌಕಟ್ಟಿನಿಂದ ನಿಯಂತ್ರಿಸಲ್ಪಟ್ಟಿದೆ. ಇದು ನ್ಯಾಯವನ್ನು ಪಡೆಯುವ ಪ್ರಕ್ರಿಯೆಯನ್ನು ಕಷ್ಟಕರವಾಗಿಸುತ್ತದೆ.
4. ಭಾರೀ ಆರ್ಥಿಕ ಹೊರೆ: ವಕೀಲರನ್ನು ತೊಡಗಿಸಿಕೊಳ್ಳುವ ಮತ್ತು/ಅಥವಾ ಸಲಹೆ ನೀಡುವ ವೆಚ್ಚವು ತುಂಬಾ ಹೆಚ್ಚಾಗಿರುತ್ತದೆ ಮತ್ತು ಅನೇಕರಿಗೆ ಭರಿಸಲಾಗುವುದಿಲ್ಲ.

ಅಲ್ಲದೆ, ಬಳಕೆದಾರರ ಗುರುತು, ಆದಾಯ, ಸಾಮಾಜಿಕ ಸ್ಥಿತಿ, ಭೌಗೋಳಿಕ ಸ್ಥಳ ಮತ್ತು ಶಿಕ್ಷಣದ ಮಟ್ಟಗಳಂತಹ ಅನೇಕ ಅಂಶಗಳು ಕಾನೂನಿನೊಂದಿಗೆ ಸಂವಹನ ನಡೆಸುವ ಅವರ ಅನುಭವದ ಮೇಲೆ ಪರಿಣಾಮ ಬೀರುತ್ತವೆ. ಅನೇಕರಿಗೆ, ಕಾನೂನು ಸಬಲೀಕರಣಕ್ಕಿಂತ ಹೆಚ್ಚಾಗಿ ಶೋಷಣೆಯ ಸಾಧನವಾಗಬಹುದು.

ನ್ಯಾಯ ಎಂದರೆ?

‘ನ್ಯಾಯ’ ಮುಕ್ತ ಪ್ರವೇಶ, ಡಿಜಿಟಲ್ ಸಂಪನ್ಮೂಲ. ಇದು ಬಹು ಸ್ವರೂಪಗಳಲ್ಲಿ ಸರಳ, ಕಾರ್ಯಸಾಧ್ಯ, ವಿಶ್ವಾಸಾರ್ಹ ಮತ್ತು ಕೈಗೆಟುಕುವಂತಹ ಕಾನೂನು ಮಾಹಿತಿಯನ್ನು ಒದಗಿಸುತ್ತದೆ. ಹೀಗೆ, ನ್ಯಾಯ ದಿನನಿತ್ಯದ ಕಾನೂನು ಸಮಸ್ಯೆಗಳನ್ನು ಪರಿಹರಿಸಲು ಸಹಾಯ ಮಾಡುತ್ತದೆ. ಇದರಿಂದ ನಾಗರಿಕರು ತಮ್ಮ ಹಕ್ಕುಗಳ ಬಗ್ಗೆ ತಿಳಿದಿರುತ್ತಾರೆ ಮತ್ತು ನ್ಯಾಯವನ್ನು ಪಡೆಯಲು ಅಧಿಕಾರವನ್ನು ಹೊಂದಿರುತ್ತಾರೆ.

ನ್ಯಾಯಾವನ್ನು ನವೆಂಬರ್ 2016 ರಲ್ಲಿ ಪ್ರಾರಂಭಿಸಲಾಯಿತು ಮತ್ತು ವಕೀಲರಲ್ಲದವರಿಗೆ ಕಾನೂನುಗಳನ್ನು ಸರಳಗೊಳಿಸುವಲ್ಲಿ ತೊಡಗಿರುವ ಭಾರತದ ಮೊದಲ ಸಂಸ್ಥೆಯಾಗಿದೆ.

ರೋಹಿಣಿ ನಿಲೇಕಣಿಯವರಿಂದ ರೂಪಿಸಲ್ಪಟ್ಟ ಮತ್ತು ‘ವಿಧಿ ಸೆಂಟರ್ ಫಾರ್ ಲೀಗಲ್ ಪಾಲಿಸಿ’ ಯಲ್ಲಿ ಕಾವು ಪಡೆದಿರುವ ನಮ್ಮ ಕೆಲಸವು ನಮ್ಮ ಪೋಷಕರಾದ ರೋಹಿಣಿ ನಿಲೇಕಣಿ ಫಿಲಾಂತ್ರೊಪಿಸ್ ಮತ್ತು ಮೇಕಿನ್ ಮಹೇಶ್ವರಿ ಅವರ ಉದಾರ ಕೊಡುಗೆಯಿಂದ ಸಾಧ್ಯವಾಗಿದೆ.

ನಾವು ಒಂದು ಸ್ವತಂತ್ರ, ಪಕ್ಷಾತೀತ, ಅರಾಜಕೀಯ ಉಪಕ್ರಮ.

ನಮ್ಮ ಕೆಲಸ

“ನಾಗರಿಕರಲ್ಲಿ ಕಾನೂನು ಅರಿವು ಸಶಕ್ತ ಭಾರತಕ್ಕೆ ಕಾರಣವಾಗಬಹುದು” ಎಂದು ನಾವು ನಂಬುತ್ತೇವೆ.

ಕಾನೂನು ಅರಿವು ಮೂಡಿಸಲು, ನಮ್ಮ ಮುಕ್ತ ಪ್ರವೇಶ, ಆನ್‌ಲೈನ್ ಪ್ಲಾಟ್‌ಫಾರ್ಮ್ ವಿವರಣೆಗಳು, ಮಾರ್ಗದರ್ಶಿಗಳು, ಮಾದರಿ ನಮೂನೆಗಳು ಮತ್ತು ಟೆಂಪ್ಲೇಟ್‌ಗಳು, ಟೂಲ್‌ಕಿಟ್‌ಗಳು, ರಾಜ್ಯವಾರು ಸಂಪನ್ಮೂಲಗಳು, ಪದೇ ಪದೇ ಕೇಳಲಾಗುವ ಪ್ರಶ್ನೆಗಳಿಗೆ ಉತ್ತರಗಳು, ಗ್ಲಾಸರಿ ಪದಗಳು, ಮತ್ತು ಇಂಗ್ಲಿಷ್‌, ಹಿಂದಿ ಮತ್ತು ಕನ್ನಡದಲ್ಲಿ ಲಿಖಿತ, ಆಡಿಯೋ ಮತ್ತು ವೀಡಿಯೋ ರೂಪದಲ್ಲಿ ಮಾಹಿತಿಯನ್ನು ಒದಗಿಸುತ್ತದೆ.

ನಮ್ಮ ಸಹಯೋಗ ವೇದಿಕೆಯ ಮೂಲಕ ನಾಗರಿಕರು, ಸರ್ಕಾರಿ ಅಧಿಕಾರಿಗಳು, ಕಾನೂನು ವಿದ್ಯಾರ್ಥಿಗಳು, ವಕೀಲರು, ಶಿಕ್ಷಣ ತಜ್ಞರು ಮತ್ತು ತಳಮಟ್ಟದ ಸಂಸ್ಥೆಗಳಿಂದ ಮಾಹಿತಿಯು ಕ್ರಿಯಾತ್ಮಕ ಮತ್ತು ಪ್ರಸ್ತುತವಾಗಿದೆ.

ಸೂಕ್ತವಾದ ನ್ಯಾಯ ವಿತರಣಾ ಕಾರ್ಯವಿಧಾನಗಳಿಗೆ ನಿಮ್ಮ ಮಾರ್ಗವನ್ನು ನ್ಯಾವಿಗೇಟ್ ಮಾಡಲು ಇದು ನಿಮಗೆ ಸಹಾಯ ಮಾಡುತ್ತದೆ. ನೀವು ವೆಬ್‌ಸೈಟ್‌ನ ಆಸ್ಕ್ ನ್ಯಾಯಾ ವಿಭಾಗ ಅಥವಾ ನಮ್ಮ ವಾಟ್ಸಾಪ್ ಆಧಾರಿತ ಸಹಾಯವಾಣಿಯ ಮೂಲಕ ಮುಂದಿನ ಪ್ರಶ್ನೆಗಳನ್ನು ಪರಿಹರಿಸಬಹುದು.

ಸಮಸ್ಯೆಯ ಕಾನೂನು ಅಂಶಗಳನ್ನು ಅರ್ಥಮಾಡಿಕೊಳ್ಳಲು ಮತ್ತು ವಿವಿಧ ಕಾನೂನುಗಳ ಅಡಿಯಲ್ಲಿ ನಿಮ್ಮ ಹಕ್ಕುಗಳು ಮತ್ತು ಕರ್ತವ್ಯಗಳು ಯಾವುವು ಎಂಬುದನ್ನು ಅರ್ಥಮಾಡಿಕೊಳ್ಳಲು ‘ನ್ಯಾಯಾ’ ಮಾಹಿತಿಯನ್ನು ಒದಗಿಸುತ್ತದೆ. ನೀವು ವಕೀಲರನ್ನು ಸಂಪರ್ಕಿಸುವ ಮೊದಲು ಲಭ್ಯವಿರುವ ಆಯ್ಕೆಗಳನ್ನು ಗುರುತಿಸಲು ಸಹ ನಾವು ನಿಮಗೆ ಸಹಾಯ ಮಾಡುತ್ತೇವೆ.

ತಾಂತ್ರಿಕ ವಿಭಜನೆಯನ್ನು ಕಡಿಮೆ ಮಾಡಲು ಮತ್ತು ಗ್ರಾಮೀಣ ಮತ್ತು ಹಿಂದುಳಿದ ಸಮುದಾಯಗಳನ್ನು ತಲುಪಲು, ನಾವು ಪ್ರೇಕ್ಷಕರ ಅಗತ್ಯಗಳಿಗೆ ಕಸ್ಟಮೈಸ್ ಮಾಡಿದ ವಿಷಯವನ್ನು ರಚಿಸುತ್ತೇವೆ ಮತ್ತು ಪಾಲುದಾರ ಸಂಸ್ಥೆಗಳು ಅಥವಾ ಕಾನೂನು ಚಾಂಪಿಯನ್‌ಗಳಾಗಿ ಕಾರ್ಯನಿರ್ವಹಿಸುವ ಸ್ಥಳೀಯ ಸಮುದಾಯದ ಮುಖಂಡರ ಸಹಾಯದಿಂದ ಅವುಗಳನ್ನು ಪ್ರಚಾರ ಮಾಡುತ್ತೇವೆ. 

ನಮ್ಮ ‘ಆಕ್ಸೆಸ್ ಟು ಜಸ್ಟಿಸ್’ ವಕೀಲರು, ಕಾನೂನು ತಜ್ಞರು ಮತ್ತು ಕಾನೂನು ವಿದ್ಯಾರ್ಥಿಗಳ ನೆಟ್‌ವರ್ಕ್ ಕಾನೂನು ಪ್ರಶ್ನೆಗಳನ್ನು ಪರಿಹರಿಸಲು ಮಾಹಿತಿಯನ್ನು ಒದಗಿಸಲು ತಳ ಸಮುದಾಯಗಳೊಂದಿಗೆ ಕೆಲಸ ಮಾಡುತ್ತದೆ ಮತ್ತು ಸಂಕೀರ್ಣವಾದ ಕಾನೂನು ವ್ಯವಸ್ಥೆಯನ್ನು ನ್ಯಾವಿಗೇಟ್ ಮಾಡಲು ನಿಮಗೆ ಸಹಾಯ ಮಾಡಲು ಪ್ಯಾರಾಲೀಗಲ್ ಬೆಂಬಲವನ್ನು ನೀಡುತ್ತದೆ.

ನಾವು ಕಾನೂನು ಸಲಹೆಯನ್ನು ನೀಡುವುದಿಲ್ಲ ಮತ್ತು ವಕೀಲರಂತೆ ನಿಮ್ಮ ಕಾನೂನು ವಿವಾದಗಳನ್ನು ಪರಿಹರಿಸಲು ಸಹಾಯ ಮಾಡುವುದಿಲ್ಲ.